കേരള താരം അസറുദ്ദീനെ ഐ പി എൽ ലേലത്തിൽ വൻ തുക നൽകി ഏതെങ്കിലും ടീം സ്വന്തമാക്കും : ആകാഷ്​ ചോപ്ര

Latest News Kerala | Kasaragod News | Kannur News | Mangalore News | National News | Gulf News | English News

കേരള താരം അസറുദ്ദീനെ ഐ പി എൽ ലേലത്തിൽ വൻ തുക നൽകി ഏതെങ്കിലും ടീം സ്വന്തമാക്കും : ആകാഷ്​ ചോപ്ര

ന്യൂഡൽഹി: മുംബൈക്കെതിരെ തകർപ്പൻ സെഞ്ച്വറി നേടി ദേശീയ ക്രിക്കറ്റിൻറെ ശ്രദ്ധയാവാഹിച്ച കേരള താരം മുഹമ്മദ്​ അസ്​ഹറുദ്ദീനെ അടുത്ത ഐ.പി.എൽ ലേലത്തിൽ വമ്പൻ തുകക്ക്​ തങ്ങൾക്കൊപ്പമെത്തിക്കാൻ ടീമുകൾ ശ്രമിക്കുമെന്ന്​ മുൻ ഇന്ത്യൻ താരവും ടെലിവിഷൻ കമ​േൻററ്ററുമായ ആകാഷ്​ ചോപ്ര. തൻറെ വിഡിയോ കോളത്തിലാണ്​ ആകാഷ്​ ഇങ്ങനെയൊരു പ്രവചനം നടത്തിയത്​. അസ്​ഹറിൻറെ കൂറ്റനടികളുടെ മിടുക്കിനൊപ്പം ആ സെഞ്ച്വറി പിറന്നപ്പോൾ മറുവശത്ത്​ എതിരാളികൾ മുംബൈ ആയിരുന്നു എന്നത്​ ലേലത്തിൽ നിർണായകമാവുമെന്നും അദ്ദേഹം പറയുന്നു.
'വാംഖഡെയിൽ കരുത്തരായ എതിരാളികൾക്കെതിരെ മുഹമ്മദ്​ അസ്​ഹറുദ്ദീൻ ബാറ്റുചെയ്യാനെത്തു​േമ്ബാൾ മുമ്ബിലുണ്ടായിരുന്നത്​ കൂറ്റൻ സ്​കോറായിരുന്നു. റോബിൻ ഉത്തപ്പയും ശ്രീശാന്തും പിന്നെ സഞ്​ജു സാംസണും കേരള ടീമിൽ ഉണ്ടായിരുന്നുവെങ്കിലും മുംബൈ എന്നാൽ മുംബൈ തന്നെയാണ്​. ആ ആ പയ്യൻ പക്ഷേ, ഒന്നും കൂസാതെ അടിച്ചുതകർത്തത്​ മുംബൈയുടെ കേളികേട്ട ബൗളിങ്​ നിരയെയാണ്​. 37 പന്തിലാണ്​ അസ്​ഹർ സെഞ്ച്വറി തികച്ചത്​. പത്തോവറിൽ ടീം 150 റൺസോളം സ്​കോർ ചെയ്യു​േമ്ബാഴേക്ക്​ അവൻറെ സെഞ്ച്വറി പിറന്നുകഴിഞ്ഞിരുന്നു. ധവാൽ കുൽക്കർണിയും തുഷാർ ദേശ്​പാണ്​ഡെയും അടക്കമുള്ള എതിർബൗളിങ്​ ശക്​തമായിരുന്നു. അവരെ തുണക്കാൻ പിച്ചിൽ പുല്ലിൻറെ സാന്നിധ്യവുമുണ്ടായിരുന്നു. എന്നിട്ടും കൂറ്റനടികളിൽ അസ്​ഹർ കാഴ്ചവെച്ച അതിശയം ഒരൊറ്റ രാത്രികൊണ്ട്​ അവനെ താരമാക്കി മാറ്റിയെന്നും ആകാഷ്​ ചോപ്ര ചൂണ്ടിക്കാട്ടി.
'അവൻ കാഴ്ചവെച്ച ബാറ്റിങ്​ കണക്കിലെടുക്കു​േമ്ബാൾ, ആ ബിഗ്​ ഷോട്ടുകളുടെ കരുത്തളക്കു​േമ്ബാൾ, ഒരുകാര്യം ഉറപ്പാണ്​. ഇത്തരത്തിൽ ഒരു മത്സരം നിങ്ങൾ ജയിച്ചാൽ, ക്രിക്കറ്റ്​ ലോകം മുഴുവൻ നിങ്ങളെ ഉറ്റുനോക്കും. ഹർഷ ഭോഗ്​ലെ അതേക്കുറിച്ച്‌​ എഴുതി, വീരേന്ദർ സെവാഗും ആ ഇന്നിങ്​സിനെ പ്രകീർത്തിച്ചു, എല്ലാവരും വാഴ്​ത്തുമൊഴികൾ ചാർത്തുന്നു.'
ആഭ്യന്തര ക്രിക്കറ്റിൽ പുതുക്കക്കാരനല്ല അസ്​ഹർ എന്ന്​ സൂചിപ്പിക്കുന്ന ആകാഷ്​, സ്​ഥിര​തയെക്കാളും തൻറെ കുറ്റനടികളാൽ അറിയപ്പെടുന്ന താരമാണ്​ 26കാരനായ കേരള താരമെന്നും വിശദീകരിക്കുന്നു. '2015 മുതൽ അസ്​ഹർ ഫസ്റ്റ്​ ക്ലാസ്​ ക്രിക്കറ്റ്​ കളിക്കുന്നു. വലിയ അക്കങ്ങളൊന്നും അവൻറെ ഫസ്റ്റ്​ക്ലാസ്​ റണ്ണുകളുടെ കണക്കിൽ ഇല്ല. 25.9 ശരാശരിയിൽ 959 റൺസാണ്​ സമ്ബാദ്യം. ഇന്നിങ്​സ്​ ഓപൺ ചെയ്യാനിറങ്ങുന്ന വിക്കറ്റ്​ കീപ്പർ ബാറ്റ്​സ്​മാനാണ്​ അവൻ. ട്വൻറി20യിൽ 404 റൺസാണ്​ ഇതുവരെ നേടിയതെങ്കിലും സ്​ട്രൈക്ക്​റേറ്റ്​ അതിശയിപ്പിക്കുന്നതാണ്​.
ഇന്ത്യയുടെ വിഖ്യാതതാരം മുഹമ്മദ്​ അസ്​ഹറുദ്ദീൻറെ ആരാധകനായിരുന്ന ജ്യേഷ്​ഠനാണ്​ അനിയന്​ അസ്​ഹറുദ്ദീനെന്ന്​ പേരിടാൻ ആവശ്യപ്പെട്ടത്​. ​ആ വഴിയിലൂടെത്തന്നെ അവൻ സഞ്ചരിച്ചു. ഇനി ഒരുമാസം കഴിഞ്ഞാൽ ​െഎ.പി.എല്ലിൻറെ ലേലം വരാനിരിക്കുകയാണ്​. സംപ്രേഷണം ചെയ്യപ്പെട്ട മത്സരത്തിൽ കത്തിക്കയറിയ, സെവാഗും ഭോഗ്​ലെയും വാഴ്​ത്തിയ ആ കളിക്കാരനെ വൻ തുക കൊടുത്ത്​ ഏതെങ്കിലും ടീം സ്വന്തമാക്കാൻ തന്നെയാണ്​ സാധ്യത.' ആകാഷ്​ പ്രവചിക്കുന്നു.